Red Bull Promotional Girl

This post in written in Cantonese.

噚日影完畢業相過，去左銅鑼灣買野。行到公司對面街﹝百德新街﹞時，有一個女郎突然間殺過黎，打開心口……前既一個包包，拎出一罐「Red Bull」，仲立即開左佢畀我家姐。之後仲同我地解釋Red Bull有乜好。咁佢收尾仲畀多罐我添，咁我見佢咁辛苦，咪要左佢囉。

不過一飲落口，真係好難飲下，好似藥水味。應該比士多啤梨味既藥水好少少既，不過結果我地都係飲左幾啖就掉左囉。

P.S. 因為個promotion girl殺得咁突然，我都未睇清佢個樣同著乜衫添。如果想知既就唔好意思啦，自己去百德新街睇下仲會唔會有下一輪啦。不過我家姐話個cost都幾貴，每罐要十幾蚊架。